მარილი ერთ-ერთი ყველაზე გავრცელებული საკვები პროდუქტია. თუმცა მის გარეშე არ მზადდება თითქმის არც ერთი კერძი, მარილს, შაქრის მსგავსად ”თეთრ სიკვდილს” უწოდებენ. მაგრამ არ ღირს ამ პროდუქტის ასეთი დაუფასებლობაც.
იაფი და უსაფრთხო მარილისგან შესაძლოა დიდი სარგებლობაც მივიღოთ ყოფით ცხოვრებაში.
მარილის გამოყენება
1. ბინაში და მანქანაში ფანჯრების წმენდა
გახსენით 2 სუფრის კოვზი მარილი 3 ლიტრ თბილ წყალში. ამ ხსნარით შეგიძლიათ წარმატებით გაწმინდოთ ფანჯრის მინები და ასევე ძველი ლაქიანი ავეჯი.
2. მსუბუქი რეცხვა
თეთრეულის გამოხუნებისგან დასაცავად ჩაამატეთ ცოტა მარილი სარეცხის მანქანაში. მარილისა და ცოტა წყლის გამოყენებით შესაძლოა წითელი ღვინის ლაქის ამოყვანა. ნარევი შთანთქავს ღვინოს. ამის შემდეგ ტანსაცმელი გაწმინდეთ ხელსახოცით ან ჯაგრისით.
3. კბილის ტკივილის დროს
თუ გაწუხებთ კბილი, გახსენით ცოტა მარილი თბილ წყალში და გამოივლეთ პირის ღრუ. თანაბარი რაოდენობით მარილისა და სოდის ნარევს შეუშძლია კბილის პასტის ჩანაცვლება.
4. ფეხების ოფლიანობის დროს
აბაზანის მოსამზადებლად 8 ლ წყალში გახსენით 3 სუფრის კოვზი მარილი და 1/4 ტუალეტის საპონი. პროცედურა კარგია ოფლიანობის წინააღმდეგ, მაგრამ შეუძლია კანის გამოშრობაც.
5. უსიამოვნო სუნი ღუმელში
მის მოსაშორებლად დაგეხმარებათ მარილი დარიჩინთან ერთად. ეს ნარევი მოაყარეთ ღუმელში და ჩართეთ რამდენიმე წუთით. სუნი უკვალოდ გაქრება.
6. ვერცხლისა და სპილენძის ნაკეთობების წმენდა
შეურიეთ ძმარი და მარილი, გაწმინდეთ ნარევით ლითონის საგნები გაპრიალებამდე. ნახავთ, როგორ დაიწყებს ბრწყინვას სამკაული.
7. დავიწყებული ნიჟარა
ნიჟარის გასაწმენდად სამზარეულოში, ჩაყარეთ მასში მარილი და დაასწხით მდუღარე. რამდენიმე წამში ნახავთ, რომ წყალი უკეთ გადის, ჭუჭყი კი მოცილებულია.
8. კანის სკრაბი
შეურიეთ მარილი და ლავანდით ეთერზეთი. წაისვით სახეზე, შემდეგ ჩამოიბანეთ წყლით. ეს მშვენიერი სკრაბია! ზეთი კანს დაარბილებს, მარილი კი სინაზეს და ნათებას დაუბრუნებს.
გაუზიარეთ ეს სასარგებლო რჩევები მეგობრებს!
